2015 թվականին Ադրբեջանում նավթի օրական արդյունահանման ծավալը կնվազի 40.000 բարելով. OPEC
Ադրբեջանական Yeni Müsavat թերթի փոխանցմամբ՝ Նավթ արտահանող երկրների կազմակերպությունը (OPEC) կանխատեսել է, որ 2015 թվականին հետխորհրդային երկրներում կգրանցվի նավթի արդյունահանման նվազեցում՝ համեմատած նախորդ տարվա հետ: Այս մասին նշված է OPEC-ի մարտյան զեկույցում:
2014 թվականի հետ համեմատ՝ 2015 թվականին Ռուսաստանում նավթի օրական արդյունահանման ծավալը նվազելու է 60.000 բարելով, Ադրբեջանում այն կազմելու է օրական 40.000 բարել, Ղազախստանում՝ 20.000 բարել, իսկ հետխորհրդային մնացյալ երկրներում՝ գլխավորապես Թուրքմենստանում՝ 10.000 բարել:
OPEC-ի կանխատեսման համաձայն՝ ընդհանուր առմամբ 2015 թվականին, 2014 թփվականի հետ համեմատ, հետխորհրդային երկրներում (ներառյալ Ռուսաստանը) նավթի օրական արդյունահանման ծավալը նվազելու է 130.000 բարելով՝ տարվա կտրվածքով կազմելով 13.3 միլիոն բարել:
