Հետախուզվողը բերման է ենթարկվել Գավառի Ազատության փողոցից
Ոստիկանության Գեղարքունիքի մարզային վարչության և ոստիկանության Գավառի բաժնի ծառայողների ձեռնարկած համատեղ միջոցառումների շնորհիվ, բաժնում ստացված օպերատիվ տեղեկություններն իրացնելիս, նոյեմբերի 29-ին, ժամը 17.30-ին, Գավառի Ազատության փողոցից բաժին է բերման ենթարկվել 1975 թ. ծնված Սարգիս Բ.-ն, որի բաճկոնի ծոցագրպանից հայտնաբերվել և առգրավվել է կանեփանման, չորացված, մանրացված զանգված:
Հայտնաբերվածն ուղարկվել է ՀՀ ոստիկանության փորձաքրեագիտական վարչություն։
Կատարվում է հետաքննություն:
ՀՀ ոստիկանություն
