Ախուրյան գյուղի ակումբի մոտակա տներից մեկում փայտե վառարան է պայթել
Նոյեմբերի 11-ին, ժամը 19.02-ին տեղեկատվություն է ստացվել, որ Ախուրյան գյուղի ակումբի մոտակա տներից մեկում ջեռուցման համակարգը պայթել է, կա տուժած:
Դեպքի վայր է մեկնել մեկ մարտական հաշվարկ:Պարզվել է, որ Գրիգորյան փողոցի տներից մեկում պայթել է փայտե վառարանը, ինչից տան բնակիչ Վ. Դ.-ը (ծնվ.1927թ.) տարբեր աստիճանի մարմնական այրվածքներով հոսպիտալացվել է Գյումրու ԲԿ, որտեղ բժիշկները տուժածի առողջական վիճակը գնահատել են միջին ծանրության:
Արտակարգ իրավիճակների նախարարություն
