Օլանդը Պուտինին կոչ է արել չճանաչել ԴԺՀ-ի ու ԼԺՀ-ի ընտրությունները
France-Presse լրատվական գործակալության փոխանցմամբ՝ Ֆրանսիայի նախագահ Ֆրանսուա Օլանդը Ռուսաստանի նախագահ Վլադիմիր Պուտինին կոչ է արել չճանաչել ինքնահռչակ Դոնեցկի ու Լուգանսկի ժողովրդավարական հանրապետություններում անցկացված ընտրությունները:
Ֆրանսիայի նախագահը կարծում է, որ անցկացված քվեարկությունը կարող է խաթարել Ուկրաինայի տարածքային ամբողջականությունը: Դրա հետ կապված՝ նա Պուտինին կոչ է արել գործել հրադադարի վերաբերյալ մինսկյան համաձայնագրերի շրջանակներում:
Նոյեմբերի 2-ին ԴԺՀ-ում ու ԼԺՀ-ում անցկացված ընտրությունների արդյունքներով հանրապետությունների ղեկավարներն են ընտրվել համապատասխանաբար Ալեքսանդր Զախարչենկոն ու Իգոր Պլոտնիցկին: Նրանց երդմնակալության արարողությունները նշանակված են այսօր:
