Զարուհի Փոստանջյան. Ինչո՞ւ նախագահական նստավայրի մոտ չկան կարմիր գծեր (տեսանյութ)
Բաղրամյան 26-ի մոտ չկան կարմիր գծեր և հատուկ պայմաններ են ապահովված նախագահականի աշխատակազմի համար:
Այս մասին այսօր ԱԺ պետական-իրավական հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստում 2015թ. բյուջեի քննարկումների ժամանակ հայտարարեց «Ժառանգության» պատգամավոր Զարուհի Փոստանջյանը՝ հետաքրքրվելով, թե այդ ինչո՞ւ է այդպես:
ՀՀ նախագահի աշխատակազմի ղեկավարի տեղակալ Վարդան Արամյանը պատասխանեց, թե դա նախագահի աշխատակազմի գործառույթից դուրս է, քաղաքապետարանի իրավասության ներքո է:
«Ես ինքս իմ մեքենան որ կանգնեցնում եմ, ընդհանուր սահմանված կանոններին եմ ենթարկվում»,- ասաց Արամյանը:
Տեսանյութը՝ 1in.am-ի
