Անտառապետին գլխի են գցել՝ հեռանալ սեփական դիմումի համաձայն. «ՉԻ»
«ՉԻ»-ին գրում է. «Երեկ ՀՀ գյուղատնտեսության նախարարությունից մեզ տեղեկացրին, որ «Լորուտի» անտառապետ Գարիկ Պարանյանն աշխատանքից ազատվել է սեփական դիմումի համաձայն։
Ողջ օրը Պարանյանն այդպես էլ չպատախանեց մեր հեռախոսազանգերին։ Փոխարենը մեզ հաջողվեց կապ հաստատել վերջինիս մտերիմներից մեկի հետ, ով պատմեց, թե Պարանյանին ասել են՝ քանի շուտ է և գլխիդ պատմություն չես բացել, հրաժարվիր պաշտոնիցդ, այլապես եթե մի պատմության մեջ ընկանք՝ մենք այլևս չենք կարող քեզ օգնել։
Իսկ պատմությունը, ինչպես կռահում ենք, կապված է Թովմա Մաթևոսյանի դանակահարության և դրան նախորդած վիճաբանության հետ։ Վիճաբանության թեման, ինչպես տեղեկացրել էինք, վերաբերվել է անտառապետների կողմից վերադասին տրվող «նալոգի» չափերի փոփոխությանը։
Թե ով կարող էր նման խորհուրդ տալ երկար արիներ աշխատած Պարանայանին՝ կարդացեք «Չորրորդ Իշխանություն» թերթի այսօրվա համարում»։
