
Փախուստի դիմած և հայտնաբերված կալանավոր Սուրեն Գաբրիելյանին վիրահատում են. նրա վիճակը ծանր է

«Նորք» ինֆեկցիոն հիվանդանոցից սեպտեմբերի 16-ին փախուստի դիմած կալանավոր Սուրեն Գաբրիելյանին, ում երեկ առավոտյան հայտնաբերել էին Վրաստանի հանրապետությունում և ձերբակալել, այս պահին վիրահատում են: Այս մասին 168.am-ին ասաց նրա փաստաբան Հակոբ Ճարոյանը՝ ավելացնելով, որ նա սրտի հետ կապված խնդիրներ ունի:
Հակոբ Ճարոյանը նաև տեղեկացրեց, որ Սուրեն Գաբրիելյանի վիճակը ծանր է:
Նշենք, որ Ս. Գաբրիելյանը մեղադրվում է խարդախության, փողերի լվացման և փաստաթղթեր կեղծելու մեջ: