Վրաստանի ԱԳՆ-ը դատապարտել է Իրաքում եզդիների զանգվածային սպանությունները
Новости-Грузия լրատվական գործակալության փոխանցմամբ՝ Վրաստանի ԱԳՆ-ն այսօր մտահոգություն է հայտնել Իրաքի վերջին զարգացումների կապակցությամբ՝ կտրականապես դատապարտելով նախորդ շաբաթ իսլամական զինյալների կողմից առնվազն 500 եզդիների սպանությունը:
Վրաստանի ԱԳՆ-ը դատապարտել է նաև զինյալների կողմից տասնյակ հազարավոր եզիդներին շրջափակման մեջ պահելը: Վրաստանի ԱԳՆ-ը ողջունում է ստեղծված ճգնաժամը հաղթահարելուն ուղղված Իրաքի իշխանությունների ու միջազգային հանրության ակտիվ արձագանքը:
Վրաստանի ԱԳՆ-ը հույս է հայտնել, որ համապատասխան գործողությունների շնորհիվ կհաջողվի խուսափել հումանիտար աղետից: Վրաստանի ԱԳՆ-ն ընդգծել է, որ խստապես դատապարտում է ահաբեկչության ամեն երևույթ, այդ թվում նաև էթնիկ ու կրոնական հենքով կատարված:
