«Պարոն Ջավադյան, խնդրում եմ ըմբռնումով մոտենաք գյուղացիների վարկերի հարցին». Վարչապետը՝ ԿԲ նախագահին
«Եթե այս տարի գյուղացիները բերք չեն ունենալու, ուրեմն ինչպե՞ս են փակելու իրենց վարկերը: Պարո’ն Ջավադյան, խնդրում եմ ըմբռնումով մոտենաք գյուղացիների վարկերի հարցին` փորձելով աջակցել գյուղացիներին»,- կառավարության այսօրվա նիստում ասաց վարչապետ Հովիկ Աբրահամյանը՝ դիմելով ՀՀ Կենտրոնական բանկի նախագահ Արթուր Ջավադյանին։
Նստում քննարկվում էր Շիրակի և Լոռու մարզերի կարկտահարությունից տուժած գյուղացիներին աջակցելու հարցը, և Հովիկ Աբրահամյանն այդ համատեքստում նշեց, որ ինքն անձամբ եղել է այդ մարզերում և տեսել, որ գյուղացիներն իսկապես լուրջ վնասներ են կրել, ուստի անհրաժեշտ է հնարավության սահմաններում նրանց աջակցել:
