Կրկնական քվեարկությունը չի ազդել Վրաստանի ՏԻՄ ընտրությունների արդյունքների վրա
Новости-Грузия լրատվական գործակալության փոխանցմամբ՝ իշխող «Վրացական երազանքի» թեկնածուները ՏԻՄ ընտրությունների կրկնական քվեարկության արդյունքներով հաղթանակ են տարել 14 ընտրատեղամասերից 8-ում: Այս մասին են վկայել Վրաստանի ԿԸՀ-ի նախնական տվյալները:
Կրկնական ընտրությունների արդյունքներն ընդհանուր առմամբ չեն ազդել ընտրությունների ողջ արդյունքների վրա: 14 ընտրատեղամասում քաղաքային ու շրջանային խորհուրդների ընտրությունները մեծամասնական ընտրակարգով անցկացվել են երեկ:
Նախնական արդյունքներով՝ 6 ընտրատեղամասում հաղթանակ են տանում ընդդիմության ներկայացուցիչները, ինչը մասնավորապես վերաբերում է «Միասնական ազգային շարժում» կուսակցության ներկայացուցիչներին: Բնակչության ակտիվությունը կազմել է 36.66 տոկոս: Վրաստանում ՏԻՄ ընտրությունների առաջին փուլն անցկացվել էր հունիսի 15-ին:
