Օրհան Զեյնալովը մոսկովյան դատարանում չի ընդունել իր մեղավորությունը
Haqqin.az պորտալիս փոխանցմամբ՝ Բիրյուլևոյի բնակիչ Եգոր Շչերբակովի սպանության մեջ մեղադրվող Ադրբեջանի քաղաքացի Օրհան Զեյնալովը դատարանում հրաժարվել է ընդունել իր մեղավորությունը: Այս մասին հայտնել են ռուսական ԶԼՄ-ները:
Երբ դատախազը կարդացել է նրա մեղադրականը, Զեյնալովը հայտարարել է, որ անմեղ է: Այսօր Մոսկվայում սկսվել է Եգոր Շչերբակովի սպանության գործի՝ ըստ էության դիտարկումը:
Հետաքննության տվյալներով՝ 2013 թվականի հոկտեմբերի 10-ին Զեյնալովը, Մոսկվայում գտնվելով ալկոհոլի ազդեցության ներքո, սկսել է վիճաբանել Եգոր Շչերբակովի հետ՝ նրա ընկերուհու ներկայությամբ:
Վեճը վերածվել է ծեծկռտուքի, և Զեյնալովը դանակի երկու հարված է հասցրել Շչերբակովին, որոնցից մեկը դիպել է սրտին: Շչերբակովը մահացել է դեպքի վայրում:
