Պորոշենկոն Գերագույն ռադա է ներկայացրել սահմանադրական ուղղումների մասին օրինագիծը
Obozrevatel.com-ի փոխանցմամբ՝ Ուկրաինայի նախագահ Պյոտր Պորոշենկոն Գերագույն ռադայի դիտարկմանն է ներկայացրել «Ուկրաինայի Սահմանադրությունում ուղղումներ անելու մասին» թիվ 4178 նախագահական օրինագիծը:
Գերագույն ռադայում գրանցված այդ օրինագիծն առնչվում ե պետական իշխանության լիազոր մարմիններին ու տեղական ինքնակառավարման մարմիններին:
Իշխանության ապակենտրոնացումը նախատեսում է տեղական համայնքների լիազորությունների ընդլայնում, այդ թվում նաև պատմական հիշողության, մշակութային ավանդույթների ու լեզվական քաղաքականության հարցերով:
Առաջարկվում է սահմանափակել նախագահի լիազորությունները և մեծացնել Գերագույն ռադայի լիազորությունները: Պորոշենկոն հույս է հայտնել, որ Գերագույն ռադան ունակ կլինի օրինագիծն առաջին ընթերցմամբ ընդունել հաջորդ շաբաթ:
