Իրաքի վարչապետը հուսով է զինյալների առաջխաղացումը կանգնեցնել ռուսական կործանիչների օգնությամբ
BBC-ի փոխանցմամբ՝ Իրաքի վարչապետ Նուրի ալ-Մալիքին հաստատել է, որ իր երկիրը Ռուսաստանից ու Բելառուսից գնել է ռուսական «Սուխոյ» ընկերության՝ նախկինում օգտագործված մի շարք կործանիչներ:
Իրաքի ճգանաժամի սկսվելուց հետո իր առաջին հարցազրույցի ժամանակ Մալիքին հայտարարել է, որ այդ ինքնաթիռները կարող են Իրաքի վրա թռչել մոտակա օրերին: Դրա հետ մեկտեղ Մալիքին հայտարարել է, որ ԱՄՆ-ը ձգձգում է Իրաքին F-16 կործանիչներ վաճառելու գործարքը:
Սրանից առաջ Ռուսաստանի նախագահ Վլադիմիր Պուտինն ալ-Մալիքիի հետ հեռախոսազրույցում հաստատել էր, որ Ռուսաստանն ամբողջովին աջակցում է Իրաքի կառավարությանը՝ երկրի տարածքն ահաբեկիչներից շուտափույթ ազատելու հարցում:
