Ուիլյամ Հեյգը չհայտարարված այցով ժամանել է Բաղդադ
Al Arabiya հեռուստաալիքի փոխանցմամբ՝ Մեծ Բրիտանիայի արտգործնախարար Ուիլյամ Հեյգն այսօր չհայտարարված այցով ժամանել է Իրաքի մայրաքաղաք Բաղդադ: Հեյգն Իրաքի ղեկավարության հետ քննարկելու է արաբական այդ երկրում ստեղծված իրավիճակը:
Վաղը Հեյգը մեկնելու է Հյուսիսային Իրաքի քրդական ինքնավարության կենտրոն Էրբիլ: Հունիսի 23-ին չհայտարարված այցով Բաղդադ էր ժամանել ԱՄՆ պետքարտուղար Ջոն Քերին, ով հաջորդ օրը մեկնել էր Էրբիլ և հանդիպել էր Հյուսիսային Իրաքի քրդերի առաջնորդ Մասուդ Բարզանիի հետ:
