Իրաք է ժամանել ամերիկացի ռազմական խորհրդատուների առաջին խումբը
BBC News-ի փոխանցմամբ՝ Իրաք է ժամանել ԱՄՆ-ի խոստացած 300 ռազմական խորհրդատուների գրեթե կեսը: Այս մասին հայտարարել է Պենտագոնը: Ամերիկացի ռազմական խորհրդատուները գտնվելու են կա՛մ մայրաքաղաք Բաղդադում, կա՛մ էլ անմիջականորեն առաջնագծում:
Ռազմական խորհրդատուների երկրորդ խումբն Իրաք կժամանի առաջիկա օրերին: ԱՄՆ նախագահ Բարաք Օբաման հունիսին 19-ին հայտարարել էր, որ Իրաք է ուղարկելու մինչև 300 ռազմական խորհրդատուի, որպեսզի նրանք օգնեն Իրաքի կառավարության անվտանգության ուժերին՝ հետ մղելու իսլամիստ զինյալների հարձակումները:
Օբաման ընդգծել էր, որ Իրաքում ամերիկացիներն անմիջական մասնակցություն չեն ունենալու ռազմական գործողություններին:
