«Գազպրոմը» «Հարավային հոսքի» հարցում կառուցողական երկխոսության մեջ է Եվրահանձնաժողովի հետ
Gazeta.ru-ի փոխանցմամբ՝ ռուսական «Գազպրոմ» հոլդինգն ու Եվրահանձնաժողովը «Հարավային հոսք» գազատարի բուլղարական հատվածի կառուցման հարցը քննարկում են կառուցողական ձևով:
Այս մասին OMV ընկերության ղեկավար Գերհարդ Ռոյսի հետ South Stream Austria համատեղ ձեռնարկության ստեղծման մասին համաձայնագրի ստորագրումից հետո կազմակերպված համատեղ մամուլի ասուլիսի ժամանակ հայտարարել է «Գազպրոմի» ղեկավար Ալեքսեյ Միլերը:
Նրա խոսքերով՝ բանակցությունները որևէ կերպ չեն անդրադառնա «Հարավային հոսք» գազատարի բուլղարական հատվածի կառուցման նախագծի իրագործման վրա: Ավելի վաղ հաղորդվել էր, որ կառուցվող «Հարավային հոսք» գազատարով Ավստրիային գազի առաջին մատակարարումները կարող են սկսվել 2016 թվականի վերջին:
