Թուրքիան առանցքային երկիր է՝ Կասպյան գազը եվրոպական շուկաներ փոխադրելու համար
Թուրքական Star թերթի փոխանցմամբ՝ «Անդրանատոլիական» գազատարը (TANAP), որը նպաստելու է դեպի Եվրոպա ադրբեջանական գազի փոխադրմանը, ձեռք է բերել մեծ նշանակություն: Այս մասին հայտարարել է SOCAR Turkey Enerji (SOCAR-ի թուրքական ստորաբաժանում) նախագահ Քենան Յավուզը:
Վերջինիս խոսքերով՝ Թուրքիան առանցքային երկիր է՝ Կասպյան ավազանի գազը եվրոպական շուկաներ փոխադրելու համար: Մայիսի 30-ին Թուրքիայի էներգետիկայի ու բնական պաշարների նախարար Թաներ Յըլդըզն ու Ադրբեջանի էներգետիկայի նախարար Նատիգ Ալիևը Ստամբուլում ստորագրեցին TANAP գազատարի նախագծում Թուրքիայի մասնաբաժինը մինչև 30 տոկոս հասցնելու մասին համաձայնագիրը:
