Համաշխարհային բանկն Ուկրաինային կհատկացնի 300 միլիոն դոլարի վարկ
Ռուսական Интерфакс լրատվական գործակալության փոխանցմամբ՝ Համաշխարհային բանկի գործադիր տնօրենների խորհուրդը դիտարկելու է Ուկրաինային 300 միլիոն դոլարի վարկ տրամադրելու հնարավորությունը: Այդ գումարը կուղղվի բնակչության սոցիալական աջակցության համակարգի բարեփոխման նախագծի իրագործմանը:
Համաշխարհային բանկի՝ Ուկրաինայի, Բելառուսի ու Մոլդովայի հարցերով տնօրեն Չիմյաո Ֆանը հայտարարել է, որ տվյալ նախագիծը կօգնի ընդլայնել քիչ ապահովված ընտանիքներին պետական սոցիալական օգնության ծավալը:
Նա հավելել է, որ նման օգնությունն ունի մեծ կարևորություն՝ հատկապես հաշվի առնելով Ուկրաինայում բարեփոխումների իրագործման մեկնարկը, որոնք մասնավորապես նախատեսում են գազի ու ջեռուցման սուբսիդիաների նվազեցում:
