Ինքնահռչակ Դոնեցկի ժողովրդավարական հանրապետությունը ներկայացուցչություն է բացում Ռուսաստանում
Ռուսական Интерфакс լրատվական գործակալության փոխանցմամբ՝ ինքնահռչակ Դոնեցկի ժողովրդավարական հանրապետության (ԴԺՀ) կառավարությունը ներկայացուցչություն է բացում Ռուսաստանում: Այս մասին հայտարարել է ԴԺՀ-ի վարչապետ Ալեքսանդր Բորոդայը:
Նրա խոսքերով՝ ԴԺՀ-ն իր պաշտոնական ներկայացուցչությունը բացում է Ռուսաստանի մայրաքաղաք Մոսկվայում: Ներկայացուցչության ղեկավար է նշանակվել Բորոդայի խորհրդական Անդրեյ Ռոդկինը:
Բորոդայն ընդգծել է, որ ստեղծված պաշտոնական ներկայացուցչությունը Ռուսաստանի տարածքում կլինի միակը, ով պաշտոնապես լիազորված կլինի ԴԺՀ-ի անունից հանդես գալու համար որևէ հայտարարությամբ:
