Պուտինն ու Օբաման պլանավորում են քննարկել Ուկրաինայի, Իրաքի ու Սիրիայի հարցերը
Ռուսական РИА Новости լրատվական գործակալության փոխանցմամբ՝ Ռուսաստանի ու ԱՄՆ-ի նախագահներ Վլադիմիր Պուտինն ու Բարաք Օբաման առաջիկա օրերին պլանավորում են քննարկել Ուկրաինայի թեման, Իրաքում ու Սիրիայում ստեղծված իրավիճակը:
Այս մասին լրագրողների հետ ճեպազրույցում հայտարարել է Ռուսաստանի նախագահի օգնական Յուրի Ուշակովը: Նա հիշեցրել է, որ Պուտինն ու Օբաման միմյանց հետ շփվել են Նորմանդիայում հանդիսավոր միջոցառումների ժամանակ, որի ժամանակ էլ պայմանավորվածություն է ձեռք բերվել հեռախոսային շփում պահպանելու մասին:
Ուշակովն ընդգծել է, որ այժմ իրագործվում է տվյալ պայմանավորվածությունը:
