Ուկրաինական բանակը Ռուսաստանի հետ սահմանին անվտանգության գոտի կստեղծի
Ուկրաինացի զինծառայողները Ռուսաստանի հետ սահմանից 15 կմ հեռավորության վրա բուֆերային գոտի կստեղծեն, հաղորդում է Корреспондент.Net-ը: Նման հայտարարությամբ է հանդես եկել Ուկրաինայի պաշտպանության նախարարի պաշտոնակատար Միխայիլ Կովալը:
«Բանակը գործում է սահմանից մոտ 15 կմ հեռավորության վրա` այդպիսով բուֆերային գոտի ստեղծելով, իսկ սահմանապահները մեզ հետ միասին վերականգնում են բոլոր ստորաբաժանումներն ու անցակետերը»,-ասել է նա լրագրողներին:
«Պետական սահմանները հուսալիորեն կպաշտպանվեն դրսից մեր պետության տարածք ներթափանցելու ցանկացած փորձի դեպքում»,-հայտարարել է նա:
