Արարատի մարզի զորամասում երկու զինծառայող է զոհվել
Ինչպես արդեն տեղեկացրել ենք, Արարատի մարզի զորամասերից մեկում ժամեր առաջ հակառակորդի դիպուկահարի կրակոցից սպանվել է պայմանագրային զինծառայող, սերժանտ 26-ամյա Անդրանիկ Եղոյանը: Ավելի ուշ հայտնի դարձավ, որ նույն զորամասում բացի Անդրանիկ Եղոյանից՝ այսօր ևս մեկ զինծառայող է մահացել: Այս մասին 168.am-ի հետ զրույցում ասաց ՀՀ պաշտպանության նախարարության մամուլի խոսնակ Արծրուն Հովհաննիսյանը: Նա տեղեկացրեց, որ քիչ հետո Պաշտպանության նախարարությունը հաղորդագրություն կտարածի կատարվածի վերաբերյալ:
