Իտալական ոստիկանությունը կալանավորել է սիցիլիական Cosa Nostra-ի ավելի քան 30 ներկայացուցչի
EFE լրատվական գործակալության փոխանցմամբ՝ իտալական ոստիկանությունն այսօր կալանավորել է սիցիլիական Cosa Nostra հանցավոր կազմակերպության 31 ներկայացուցչի: Նրանք մեղադրվել են սպանությունների, մարդկանց առևանգելու, դրամաշորթության ու ապօրինի ճանապարհով զենք պահելու մեջ:
Նրանց կալանավորման հատուկ գործողությանը մասնակցել է 500 ոստիկան, ինչը վերաբերում է նաև Բագերիա վայրին, որը վաղուց սիրելի է դարձել իտալացի մաֆիոզիների համար: Ընդգծվում է, որ այսօրվա հատուկ գործողությունը վերջին շրջանում սիցիլիական մաֆիայի դեմ ձեռնարկված ամենամասշտաբային գործողություններից մեկն է:
Հայտնի է, որ սիցիլիական Cosa Nostra-ն հանդիսանում է իտալացի մաֆիոզիների 4 հայտնի կառույցներից մեկը՝ Նեապոլի Camorra-ի, Կալաբրիայի Ndrangheta-ի ու Ապուլիայի Sakra Korona Unita-ի հետ միասին:
