Ուկրաինան ՌԴ-ին դեռ չի վճարել շուրջ 10 միլիարդ խորանարդ մետր գազի դիմաց
Ռուսական РИА Новости լրատվական գործակալության փոխանցմամբ՝ Ռուսաստանի ու Ուկրաինայի միջև գազային բանակցությունները շարունակվելու են այսօր: Այս մասին լրագրողների հետ զրույցում հայտարարել է «Գազպրոմի» պաշտոնական ներկայացուցիչ Սերգեյ Կուպրիյանովը:
Նրա խոսքերով՝ բանակցային գործընթացում առկա է առաջընթաց: Կուպրիյանովը հավելել է, որ ներկա դրությամբ Ուկրաինան չի վճարել 9.8 միլիարդ խորանարդ մետր գազի դիմաց. «Այսօրվա դրությամբ չի վճարվել 9839 միլիոն խորանարդ մետրի գազ: Դա մեծ ծավալ է»:
Օրեր առաջ Ուկրաինան «Գազպրոմին» փոխանցել է 786 միլիոն դոլար:
