Լեհաստանը կողմ է իր տարածքում տեղակայված ամերիկացի ու եվրոպացի զինծառայողների թվակազմի մեծացմանը
Ամերիկյան CNN հեռուստաալիքին տված հարցազրույցի ժամանակ Լեհաստանի արտգործնախարար Ռադոլսավ Սիկորսկին կարծում է, որ Լեհաստանում պետք է տեղակայվեն ավելի շատ զինծառայողներ ԱՄՆ-ից ու եվրոպական երկրներից: Սիկորսկին հայտարարել է, որ ՆԱՏՕ-ի անդամ երկրների տարածքների անվտանգության մակարդակը պետք է լինի քիչ թե շատ հավասար:
Անդրադառնալով Ուկրաինայում տիրող իրավիճակին՝ Սիկորսկին վստահություն է հայտնել, որ նախագահական ընտրություններում հաղթած Պյոտր Պորոշենկոն հենց այն մարդն է, ով կարող է կարգավորել երկրում առկա ճգնաժամը: Սիկորսկու խոսքերով՝ Պորոշենկոն վայելում է Արևմուտքի վստահությունը, և հենց նա պետք է վարի Ռուսաստանի հետ գործերը՝ երկկողմ հարաբերությունները կարգավորելու համար:
