Օբաման ընդգծել է Եվրոպայի համար Ադրբեջանի էներգետիկ կարևորությունը
Ադրբեջանական Trend լրատվական գործակալության փոխանցմամբ՝ Ադրբեջանն առանցքային դեր է խաղում էներգակիրների համաշխարհային մատակարարման ապահովման աջակցման հարցում և առաջիկա երկու տարում կդառնա Եվրոպայի խոշորագույն մատակարարը:
Այս մասին նշված է ԱՄՆ նախագահ Բարաք Օբամայի ուղերձում, որը Բաքվում Caspian Oil and Gas 21-րդ միջազգային ցուցահանդեսի ժամանակ ընթերցել է Ադրբեջանում ԱՄՆ-ի դեսպան Ռիչարդ Մորնինգսթարը:
Ուղերձում նշված է, որ «Հարավային գազային միջանցք» նախագծի կյանքի կոչումը պահանջում է լարված աշխատանք և Ադրբեջանի ու միջազգային գործընկերների միջև սերտ համագործակցություն:
Օբաման ընդգծել է, որ ԱՄՆ-ն այդ նախագծի իրագործումը դիտարկում է որպես Եվրոպայի գազամատակարարումն ընդլայնման ճանապարհին կատարված կարևոր քայլ և պատրաստ է աջակցել դրան:
