Թուրքիայում վայրէջքի ժամանակ F-16 կործանիչ է շրջվել
Թուրքական Sondakika կայքի փոխանցմամբ՝ Ամասյայի նահանգի Մերզիֆոնի շրջանի 5-րդ ավիաբազայում F-16 կործանիչ է վթարի ենթարկվել: Միջադեպը գրանցվել է ինքնաթիռի վայրէջք կատարելու ժամանակ:
Ինքնաթիռը վայրէջք է կատարել թռիչքուղու վրա և որոշ ժամանակ առաջ գնալուց հետո օդաչուն կորցրել է մեքենայի ղեկավարումը, ինչի հետևանքով ինքնաթիռը շրջվել է: Օդաչուն վիրավորվել է: Այլ մանրամասներ առայժմ չեն հաղորդվում:
