Բացառվում է Հայաստանի ու Ղարաբաղի միջև որևէ մաքսային սահմանը. Մանվել Բադեյանը
«Ես որևէ նորություն չեմ նկատել երեկ: 20 տարի է, այդ գործընթացը շարունակվում է և Ադրբեջանը բոլոր կազմակերպություններում բարձրացնում է Ղարաբաղի հարցը՝ որպես իր տարածքային մաս»,- այսօր ԱԺ-ում լրագրողներին ասաց պատգամավոր Մանվել Բադեյանը՝ մեկնաբանելով երեկ Աստանայում կատարվածը:
Անդրադառնալով Ղազախստանի նախագահ Նուրսուլթան Նազարբաևի կողմից Ալիևի նամակի ընթերցանությանը՝ Բադեյանը նշեց, որ դա իր գործն է, հայկական կողմը հանգիստ է վերաբերվում նման նամակներին:
«Կարող եմ միանշանակ ասել, որ բացառվում է Հայաստանի ու Ղարաբաղի միջև որևէ մաքսային սահմանը»,- հայտարարեց Բադեյանը:
