Արսեն Խոջոյանը օր-օրի վատանում է, իսկ Մամիկոն Խոջոյանի թաղման օրը ասել է. «Ապի ջան, քեզանից հետո հերթը իմն է». shamshyan.com
Ադրբեջանում այս տարվա մարտի 7-ին գերի ընկած եւ ապրիլի 10-ին հայկական կողմին վերադարձված 23-ամյա Արսեն Խոջոյանի առողջականն օր-օրի վատանում է: Հարազատները կասկածներ ունեն, որ գերության ընթացքում նրան էլ են դիզվառելիք ներարկել:
Այս մասին SHAMSHYAN.com-ի թղթակցի հետ զրույցում ասել է նրա հորաքույրը՝ Հեղինե Խոջոյանը: Նա ասաց, որ տղայի ոտքերը շատ դժվարությամբ են գործում:
«Ոտքերը քաշվում են, ինքը շատ թույլ է, ուռչում է, շնչառությունը չի բավականացնում, քթից արյուն է գալիս: Կասկածներ ունենք, որ նրան էլ են դիզվառելիք ներարկել:
Բայց դիզվառելիքի մեջ, քանի որ յուղային մաս կա, այն արյան մեջ 40 օր արյան կարգում ցույց չի տալիս: Հիմա 40 օրը անցնի, որ տեսնենք, նրա՞ն էլ են ներարկում արել, թե՞ ոչ»,- ասել է Հեղինե Խոջոյանը:
Միաժամանակ ավելացրեց, որ Արսենը ապրելու հույսեր չունի:
«Հորս` Մամիկոն Խոջոյանի թաղման օրը, Արսենը եկավ, մտավ պապայի մոտ, ասաց. «Է՜, Մանուկ ապի, քեզանից հետո էլ հերթը իմն է»:
«Մխկուտը գցեց սիրտս, ջանիս ցավ տվեց»,-ասաց նա:
Մանրամասներն՝ այստեղ
