Սերժ Սարգսյանը երկրաչափական պրոգրեսիայով ավելացրել է արտաքին պարտքը. «Ժողովուրդ»
«Սերժ Սարգսյանն իր պաշտոնավարման ընթացքում հասցրեց երկրաչափական պրոգրեսիայով ավելացնել Հայաստանի արտաքին պարտքը»,- գրում է «Ժողովուրդ» թերթը՝ ավելացնելով.
«Եթե 2007թ. տարեվերջի դրությամբ ՀՀ արտաքին պարտքը 1 մլրդ 448 մլն 905 հազար ԱՄՆ դոլար էր, ապա 2013թ. տարեվերջին այն ավելացավ 2.6 անգամ՝ դառնալով 3 մլրդ 903 մլն 751 հազար ԱՄՆ դոլար: Ընդ որում, ամենամեծ պարտքը իշխանությունները վերցրել են 2009թ.՝ 1.065մլրդ ԱՄՆ դոլարին համարժեք գումար:
Հետագա տարիներին վերցված վարկի գումարը տատանվել է 280-290 մլն դոլարի սահմաններում: Հատկանշականն այն է, որ այդ պարտքը կուտակվել է այսրոպեական խնդիրներ լուծելու (ձեռքի հետ էլ իշխանություններին դրանից գերշահույթներ ստանալու) համար, իսկ այդ գումարները մարելու պարտականությունը թողնվել է հաջորդ սերունդների վրա»:
Ամբողջությամբ կարդացեք «Ժողովուրդ»-ի այսօրվա համարում։
