ՊՊԾ ոստիկանները Արցախի փողոցում ծեծել են քաղաքացուն
Քաղաքացի Զորիկ Մ.-ի հաղորդման հիման վրա ՀՀ հատուկ քննչական ծառայությունում նախապատրաստված նյութերով` ՀՀ քրեական օրենսգրքի 117-րդ հոդվածի հատկանիշներով հարուցվել է քրեական գործ:
Ըստ քաղաքացու հաղորդման` 2014թ. ապրիլի 19-ին` ժամը 17:30-ի սահմաններում, ՀՀ ոստիկանության Երևան քաղաքի վարչության ՊՊԾ գնդի երկու ոստիկան Երևան քաղաքի Արցախի փողոցում կենցաղային հարցի շուրջ ծագած վիճաբանության ժամանակ ձեռքերով և ոտքերով հարվածներ են հասցրել իր մարմնի տարբեր մասերին` պատճառելով մարմնական վնասվածքներ:
Կատարվում է նախաքննություն:
ՀՀ Հատուկ քննչական ծառայություն
