Նախկին ամուսինը հարվածել է նախկին կնոջն ու զոքանչին

Մայիսի 20-ին, ժամը 19.30-ին, 1982 թ. ծնված Ռուզան Ա.-ն ահազանգել է ոստիկանության Արաբկիրի բաժին և խնդրել, որ ոստիկանության ծառայող մեկնի իրենց տուն:

Մեկնած օպերատիվ խումբը պարզել է, որ նույն օրը, ժամը 19.15-ին, տանը, վիճաբանության ժամանակ, Ռուզան Ա.-ի նախկին ամուսինը` 1983 թ. ծնված Գարեգին Պ.-ն, մի քանի անգամ հարվածել է վերջինիս գլխին, ոտքով և ձեռքով հարվածել նաև նրա մոր` 1956 թ. ծնված Գայանե Մ.-ին` պատճառելով վնասվածքներ:

Գարեգին Պ.-ն բերման է ենթարկվել բաժին:

Նշանակվել է դատաբժշկական փորձաքննություն:

Կատարվում է հետաքննություն:

ՀՀՈստիկանություն