«Ավան» հոգեկան առողջության կենտրոնում տեղի ունեցած մահվան դեպքով կիրականացվի ծառայողական քննություն

«Ավան» հոգեկան առողջության կենտրոնում մայիսի 5-ին արձանագրված մահվան դեպքի կապակցությամբ էլեկտրոնային լրատվամիջոցներում տեղ գտած հրապարակումների առնչությամբ տեղեկացնում ենք, որ ՀՀ առողջապահության նախարարի հրամանով ստեղծվել է հանձնաժողով «Ավան» հոգեկան առողջության և Նարկոլոգիական հանրապետական կենտրոններում ծառայողական քննություն իրականացնելու նպատակով։

Նախարար Մուրադյանը հանձնարարել է ամենայն մանրամասնությամբ ուսումնասիրել մասնագիտական պարտականությունների համապատասխանությունը սահմանված կարգին։

ՀՀ Առողջապահության նախարարություն