Թաղապետարանի հարևանությամբ գտնվող այգում զենք-զինամթերք է հայտնաբերվել

Մայիսի 3-ին, ժամը 14.55-ին, ոստիկանության Մալաթիայի բաժնում հաղորդում է ստացվել, որ մի քաղաքացի Մալաթիայի թաղապետարանի մոտ գտնվող այգում զենք-զինամթերք է թողնում:

Մեկնած օպերատիվ խումբը Մալաթիա-Սեբաստիա թաղապետարանի այգու վերջնամասում հայտնաբերել է «Ֆ-1» տիպի նռնակ` առանց պայթուցիչի, ինքնաձիգի 5,45 մմ տրամաչափի` 79, 7,62 մմ տրամաչափի` 25, 5,65 մմ տրամաչափի 42 և 9 մմ տրամաչափի 1 փամփուշտ, շինարարական 84 պարկուճ, 16 տրամաչափի որսորդական հրացանի 5 փամփուշտ, որոնցից 3-ը` դատարկ, ինքնաձիգի 2 խզակոթ` ծոծրակալով, ինքնաձիգի փակաղակի 2 շրջանակ` քայքայված վիճակում, անհայտ տիպի հրացանի փող` առանց գործարանային համարի:

Նշանակվել է փորձաքննություն:

Կատարվում է հետաքննություն:

ՀՀՈստիկանություն