Տնակում հայտնաբերվել է 180 փամփուշտ, 4 նռնակ և նռնակի 4 պայթուցիչ

Օրերս ոստիկանության Էրեբունու բաժնում հաղորդում էր ստացվել, որ մի քաղաքացի Նուբարաշենի ասֆալտի գործարանի տարածքում գտնվող այրված տնակի մեջ զինամթերք է թողնել:

Մեկնած օպերատիվ խումբը նշված տնակում հայտնաբերել է պոլիէթիլենային պարկ, որի մեջ եղել է «ԱԿՄ» տիպի ինքնաձիգի 5.45 մմ տրամաչափի 180 փամփուշտ, 4 նռնակ և նռնակի 4 պայթուցիչ:

Նշանակվել է դատաձգաբանական փորձաքննություն:

Կատարվում է հետաքննություն:

ՀՀՈստիկանություն