Ինչ լուրջ խնդիրներ են լուծում որովայնից վերցված ճարպային հյուսվածքների բջիջները
Մարդկանց որովայնից վերցված ճարպային հյուսվածքների բջիջները վնասված և ցավի պատճառ հանդիսացող միջողնաշարային սկավառակների մեջ ներարկելու արդյունքում այսուհետև հնարավոր կլինի ազատվել մեջքի ցավերից: Գիտնականները պնդում են, որ գոտկատեղի հատվածում ճարպային կուտակումները հարուստ են ցողունային բջիջներով, որոնք կարող են տարբեր տեսակի հյուսվածքների վերածվել:
Այդ բջիջները կարող են վերականգնել միջողնաշարային սկավառակները (միջողնաշարային սկավառակի խնդիր այսօր ունի յուրաքանչյուր 4-րդ մարդը): Շարժման ընթացքում բեռի կլանումը և շարժունակության ապահովումը իրականացնում են հենց սկավառակները:
Նյարդերի ճնշման, դեգրադացիայի և ցավերի պատճառ է դառնում սկավառակների կարծրացումը, որը նկատվում է 30 տարեկանից հետո: Այս տեսակ խնդիրներից խուսափելու համար կարող է օգնել վերը նշված նոր մեթոդը, ինչի արդյունքում հնարավոր կլինի վերականգնել սկավառակները և զերծ լինել դրանց հետագա քայքայումից:
