Ուկրաինական ճգնաժամի պատճառով աճում է Ադրբեջանի կարևորությունը. Սաակաշվիլի
Ադրբեջանական Trend լրատվական գործակալության փոխանցմամբ՝ Վրաստանի նախկին նախագահ Միխեիլ Սաակաշվիլին Բաքվում հայտարարել է, որ ուկրաինական ճգնաժամի պայմաններում Ադրբեջանը հատուկ կարևորություն է ներկայացնում Եվրոպայի համար:
Սաակաշվիլու խոսքերով՝ Ադրբեջանն ու Կենտրոնական Ասիան հանդիսանում են ոչ միայն Եվրոպային էներգակիրների աղբյուրներ, այլև՝ նրա աշխարհաքաղաքական ռազմավարության հիմնական տարրեր: Սաակաշվիլին կարծում է, որ Եվրոպան հայտնվել է բարդ իրավիճակում՝ կապված էներգակիրների մատակարարման հետ:
Սաակաշվիլին ընդգծել է, որ էներգակիրների մատակարարման հարցում ԱՄՆ-ը կարող է օգնել Եվրոպային, սակայն դա բավական չի լինի, ինչի համար էլ Եվրոպան ներկայումս կենտրոնացել է Կասպյան տարածաշրջանի վրա:
