G7-ի երկրները պայմանավորվել են ՌԴ-ի դեմ նոր պատժամիջոցներ սահմանելու շուրջ
Բրիտանական Reuters լրատվական գործակալության փոխանցմամբ` G7-ի երկրները երեկ անցկացրած խորհրդակցությունների արդյունքներով պայմանավորվածության են եկել Ռուսաստանի նկատմամբ շուտով նոր պատժամիջոցներ սահմանելու մասին` կապված ուկրաինական ճգնաժամի հետ:
Դրա հետ մեկտեղ դեռ չի հաղորդվել, թե կոնկրետ ինչ միջոցներ են ձեռնարկվելու Մոսկվայի դեմ: Սակայն G7-ի առաջնորդները զգուշացրել են, որ պատրաստվում են դիմել ավելի լայն և համակարգված պատժամիջոցների: ԱՄՆ-ը նոր պատժամիջոցները կարող է հրապարակել արդեն երկուշաբթի:
Ակնկալվում է, որ «սև ցուցակում» կներառվեն մի շարք ֆիզիկական ու իրավաբանական անձինք, այդ թվում նաև Ռուսաստանի նախագահ Վլադիմիր Պուտինին մոտ կանգնածները:
