Վրաստանի նախագահը կարևորել է ԵՄ-ի հետ Ասոցացման համաձայնագրի ստորագրման արագացումը
Новости-Грузия-ի փոխանցմամբն՝ Վրաստանի նախագահ Գիորգի Մարգվելաշվիլին երեկ ելույթ է ունեցել Պրահայում՝ «Արևելյան գործընկերության» երկրների գագաթաժողովում: Իր ելույթում Մարգվելաշվիլին Վրաստանի համար չափազանց կարևորել է ԵՄ-ի կողմից Ասոցացման համաձայնագրի ստորագրումն արագացնելը:
Մարգվելաշվիլին մանրամասնել է, որ Վրաստանը ԵՄ-ի հետ Ասոցացման համաձայնագիրը, այդ թվում նաև ազատ առևտրի մասին համաձայնագիրը ստորագրելու է ընթացիկ տարվա հունիսից ոչ ուշ: Մարգվելաշվիլին ընդգծել է, որ Ուկրաինայի վերջին դեպքերը խաղաղության ու անվտանգության տեսանկյունից հատուկ մտահոգություն են հարուցում Եվրոպայում:
Վրաստանը ԵՄ-ի հետ Ասոցացման համաձայնագիրը նախաստորագրել է նախորդ տարվա նոյեմբերի վերջին Վիլնյուսում տեղի ունեցած «Արևելյան գործընկերության» երկրների գագաթաժողովում:
