Ուկրաինայում իրավիճակի վատթարացման դեպքում ՌԴ-ը կհիշի զորքեր կիրառելու թույլտվության մասին. Չուրկին
Ռուսական ИТАР-ТАСС լրատվական գործակալության փոխանցմամբ՝ ՄԱԿ-ում Ռուսաստանի մշտական ներկայացուցիչ Վիտալի Չուրկինը հայտարարել է, որ Ուկրաինայի հարավ-արևելքում իրավիճակի վատթարացման դեպքում Ռուսաստանը կհիշի Դաշնային խորհրդի տված թույլտվության մասին, որն առնչվում է Ուկրաինայի տարածքում Ռուսաստանի զինված ուժերի օգտագործմանը.
«Այդ հնարավորությունը մշտապես մեր ձեռքում է: Սակայն, բնականաբար, մենք չէինք ցանկանա օգտվել դրանից: Ռուսաստանը չի ձգտում նման սցենարի իրագործմանը: Ներկայումս գլխավոր առաջադրանքն իրավիճակի ապաէսկալացումն է: Եթե Ուկրաինայի հարավ-արևելքում բռնությունները չդադարեն, ապա Ռուսաստանը կգումարի ՄԱԿ ԱԽ-ի արտակարգ նիստ»:
Դրա հետ մեկտեղ Չուրկինը հայտարարել է, որ ՄԱԿ ԱԽ-ը պառակտված է և պետք չէ հակամարտության կարգավորման պլանում նրանից ակնկալել որևէ լուրջ գործողություն:
