ՄԱԿ-ի Գլխավոր վեհաժողովի հատուկ նստաշրջանը կնվիրվի Մարկեսին
ՄԱԿ-ի Գլխավոր վեհաժողովը մայիսի 29 –ին կայանալիք նիստում հարգանքի տուրք կմատուցի աշխարհահռչակ կոլումբիացի գրող Գաբրիել Գարսիա Մարկեսի հիշատակին, ըստ «ՌԻԱ Նովոստի» գործակալության` հայտարարել է կազմակերպությունում Արգենտինայի մշտական ներկայացուցիչ Մարիա Փերսեվալը: «Մենք խնդրել ենք նիստ հրավիրել` նրա հիշատակին հարգանքի տուրք մատուցելու համար»,-նշել է դիվանագետը:
Հիշեցնենք, որ Նոբելյան մրցանակի դափնեկիր Գաբրիել Գարսիա Մարկեսը մահացել էր ապրիլի 17 –ին` 87 տարեկանում:
