Թուրքիայում սիրիացի փախստականների քանակը մոտենում է մեկ միլիոնի
Թուրքական Star թերթի փոխանցմամբ՝ Թուրքիայում ապաստանած սիրիացի փախստականների քանակը գերազանցել է 900.000-ի սահմանագիծը: Այս մասին հայտարարել է Բնական աղետների ու արտակարգ իրավիճակների դեպարտամենտի (AFAD) ղեկավար Ֆուաթ Օքթայը:
Նրա խոսքերով՝ փախստականների ճամբարներում տիրում է կայուն իրավիճակ: Օքթայն ընդգծել է, որ Թուրքիան պետական միջոցներից սիրիացի փախստականների վրա ծախսել է ավելի քան 2.5 միլիարդ դոլար, մինչդեռ միջազգային հումանիտար կազմակերպությունները ցուցաբերել են 200 միլիոն դոլարի օգնություն:
Սիրիացի փախստականների համար վրանային ու տնակային քաղաքներ են ստեղծվել Թուրքիայի 10 նահանգում: Դրանցում բնակվող սիրիացի փախստականների 76 տոկոսը կազմում են կանայք ու երեխաները: Վերջին 2.5 տարում այդ ճամբարներում ծնվել է ավելի քան 10.000 երեխա:
