Վախճանվել է Գաբրիել Գարսիա Մարկեսը
Մեքսիկայում վախճանվել է կոլումբիացի հայտնի գրող, Նոբելյան մրցանակի դափնեկիր Գաբրիել Գարսիա Մարկեսը, հաղորդում է Reuters-ը:
87-ամյա Մարկեսը համարվում է ամենաճանաչված իսպանալեզու գրողը` Միգել Սերվանտեսի ժամանակներից ի վեր: Մարկեսին միջազգային ճանաչում էր բերել հատկապես նրա «Հարյուր տարվա մենություն» վեպը, որը թարգմանվել է բազմաթիվ լեզուներով, այդ թվում` հայերեն:
Գրողը հոսպիտալացվել էր մարտի 30-ին` թոքերի հետ կապված խնդրով, սակայն ապրիլի 8 -ին դուրս էր գրվել:
