Միլանի դատարանը Բեռլուսկոնիին դատապարտել է մեկամյա հասարակական աշխատանքների
France-Presse լրատվական գործակալության փոխանցմամբ՝ Միլանի հատուկ տրիբունալի դատական հանձնաժողովը նախկին վարչապետ Սիլվիո Բեռլուսկոնիին դատապարտել է մեկամյա հասարակական օգտակար աշխատանքների կատարման:
Բացի այդ, այսուհետ սահմանափակվել են Բեռլուսկոնիի տեղաշարժերը, նրան նաև պարտադրել են պահպանել պարետային ժամը: Ընդ որում, դատարանը հրաժարվել է տնային կալանք տալ Բեռլուսկոնիին:
Դեռ հայտնի չէ, թե որ կազմակերպությունում նա պետք է իրականացնի հասարակական այդ աշխատանքները: Կազմակերպության անունը կհրապարակվի մոտ ժամանակներս: Բեռլուսկոնին այս տարվա սեպտեմբերին կդառնա 78 տարեկան:
