Ֆրանսիան հակասուզանավային ֆրեգատ է ուղարկել Սև ծով
ZN.UA-ի փոխանցմամբ՝ ապրիլի 14-ից Սև ծովի ջրատարածությունում Ֆրանսիայի ռազմանավերի ու օժանդակ նավերի խմբին միանում է Dupleix հակասուզանավային ֆրեգատը:
Ավելի վաղ՝ մարտի 28-ին, ֆրանսիական FS Alize փրկարարական նավը, անցնելով Սևծովյան նեղուցների միջով, մուտք էր գործել Սև ծով, ուր և մասնակցել էր Բուլղարիայի Վառնա քաղաքի մոտ տեղի ունեցած համատեղ ռազմածովային զորավարժությունների: Ներկա դրությամբ նավը շարունակում է գտնվել Սև ծովում:
Իսկ ապրիլի 10-ին Դարդանելի ու Բոսֆորի նեղուցներով Սև ծով են մուտք գործել ԱՄՆ-ի ռազմածովային ուժերի Donald Cook էսկադրոնային ականակիրն ու Ֆրանսիայի ռազմածովային ուժերի Dupuy de Lome հետախուզական նավը:
