ՆԱՏՕ-ն ևս մեկ անգամ աջակցություն հայտնեց Վրաստանին. Ջեյմս Ափաթուրայ
Грузия Online-ի փոխանցմամբ՝ Հարավային Կովկասում ու Կենտրոնական Ասիայում ՆԱՏՕ-ի հատուկ ներկայացուցիչ Ջեյմս Ափաթուրայը Facebook-ի իր էջում գրել է, որ ՆԱՏՕ-ի նախարարական ժողովում իրենք հերթական անգամ աջակցություն հայտնեցին Վրաստանին.
«Նախարարական ժողովում մենք սկսեցինք հավաքական պաշտպանության ուժեղացումը, ինչպես և մյուս կազմակերպությունները, մենք կասեցրինք Ռուսաստանի հետ հարաբերությունները, ուժեղացրինք Ուկրաինային աջակցությունը, ևս մեկ անգամ աջակցություն հայտնեցինք Վրաստանին»:
ՆԱՏՕ-ի գլխավոր քարտուղար Անդերս Ֆոգ Ռասմուսենն իր հերթին «ՆԱՏՕ-Վրաստան» հանձնաժողովի նիստում հայտարարել է, որ Վրաստանը զգալի առաջընթաց է գրանցել ժողովրդավարական ու ռազմական բարեփոխումների ոլորտում: Ռասմուսենը կարևորել է հունիսին Վրաստանում նշանակված ՏԻՄ ընտրությունները ժողովրդավարական ճանապարհով անցկացնելը:
