Մեղադրանք է առաջադրվել Շանթ Հարությունյանի որդու՝ Շահեն Հարությունյանի նկատմամբ
Խուլիգանություն կատարելու համար այսօր մեղադրանք է առաջադրվել Շանթ Հարությունյանի որդու՝ Շահեն Հարությունյանի նկատմամբ: Շահեն Հարությունյանի մայրը՝ Ռուզաննա Բադալյանը, 168.am-ի հետ զրույցում ասաց, որ քիչ առաջ Շ. Հարությունյանին մեղադրանք է առաջադրվել՝ նոյեմբերի 5-ին տեղի ունեցած իրադարձությունների ժամանակ հարուցված գործի շրջանակներում:
Նրան մեղադրանք է առաջադրվել խուլիգանության համար՝ Քրեական օրենսգրքի 258-րդ հոդվածի 4-րդ մասով:
Ռ. Բադալյանի խոսքով՝ քիչ առաջ Շահեն Հարությունյանի հետ առերեսում է եղել, որն արդեն ավարտվել է: Շահեն Հարությունյանին հանձնել են օրինական ներկայացուցչի հսկողությանը:
Նշենք, որ Քրեական օրենսգրքի այդ հոդվածով նախատեսվում է 4-7 տարվա ազատազրկում:
