Անհայտ մնացած ներուժ
Հայաստանում հանքաարդյունաբերության մեծ ներուժ կա, բայց այն դեռ հայտնի չէ որպես ներդրումների համար նպաստավոր երկիր: Այս մասին այսօր «Պատասխանատու հանքաարդյունաբերության կայացումը Հայաստանում. հնարավորություններ և մարտահրավերներ» համաժողովի ժամանակ ասել է միջազգային ֆինանսական կորպորացիայի (IFC) ներկայացուցիչ Ֆերնարդո Ռուիս-Միերը։
Ինչ վերաբերում է հանքարդյունաբերության ազդությանը՝ շրջակա միջավայրի վրա, ապա ըստ Միերի, հանքաարդյունաբերող ընկերությունները հետևում են ոչ միայն ընդհանուր պահանջներին, այլև ֆինասավորող կառույցի բնապահպանական պահանջներին, որոնք բավականին խիստ են: Խոսքը մասնավորապես այն ընկերությունների մասին է, որոնք ֆինանսավորվում են միջազգային կառույցների կողմից:
Դա չափազանց կարևոր հանգամանք է ֆինանսավորող կողմի համար, քանի որ, Միերի խոսքերով, ոչ մի ֆինանսավորող կառույց չի ցանկանա հայտնվել, ասենք, Financial Times-ի շապիկին` որպես բնապահպանական կամ սոցիալական նորմերը խախտող ֆինանսավորող:
