Էդմոն Մարուքյան. Կառավարությունն արագաչափերը տեղադրում է ոչ թե քաղաքացու անվտանգության համար, այլ՝ գումար վերցնելու (տեսանյութ)
Խորհրդարանը շարունակում է քննարկել ոչ իշխանական չորս խմբակցությունների կողմից՝ «Կառավարության և Երևանի քաղաքապետարանի կողմից 2012-13 թթ. ընթացքում ազգաբնակչության և տնտեսվարող սուբյեկտների նկատմամբ լրացուցիչ վճարներ, տուրքեր, տուգանքներ, արագաչափեր, նկարահանող սարքեր, վճարովի ավտոկայանատեղեր, Երևանի մարդատար ուղևորափոխադրումների ուղեվարձի թանկացում, չշահագործվող ավտոմեքենաների պարտադիր ապահովագրության տուգանքներ սահմանելու միջոցով թաքնված հարկային բեռը ուսումնասիրող» ԱԺ ժամանակավոր հանձնաժողով ստեղծելու մասին որոշման նախագիծը:
ԱԺ ակնախ պատգամավոր Էդմոն Մարուքյանը հարցի քննարկման ժամանակ հայտարարեց, թե տեսանկարահող սարքերը մարդկանց մոտ ուղղակի ատելություն են առաջացրել։
«Կան բաներ, որից դժգոհ է ժողովուրդը, կան բաներ, որ ժողովրդի մոտ ատելություն է առաջացնում, տեսանկարահող սարքերը մարդկանց մոտ առանց ավելորդության՝ սկսել է առաջացնել ատելություն»,- հայտարարեց նա:
Պատգամավորն ասաց, թե ինքը ճանաչում է քաղաքացու, ով երկրից գնացել է հենց այդ տեսանկարահանող սարքերի պատճառով, որովհետև ամեն քայլափոխի տուգանք է ստացել:
«Ես անձամբ ճանաչում եմ վարորդ, որն այնքան ակտ է ունեցել, որ գնացել է Հայաստանից ու նման դեպքերը շատ են։ Մի քանի օր առաջ Դեմիրճյան փողոցի վրա տաքսի կանգնեցրի, տարեց մարդ էր, ասաց այնքան ակտ ունի, որ երևի մի քանի հարյուր հազար դրամն անցել է։ Ասում եմ՝ բա ինչո՞ւ չեք վճարում, դատի կտան, կհնգտապատվի։ Ասում է՝ տվել են, բայց մեկա չեմ վճարում, որովհետև ոչ մի բան չկա իմ անունից։ Մենք իրավունք չունենք այսպիսի իրավիճակ ստեղծվի մեր երկրում»,- ասաց նա։
Անկախ պատգամավորը որպես օրինակ մատնանշեց Կալիֆորնիան, որտեղ երբ սկսել է տնտեսական ճգնաժամը՝ իշխանությունները որշում են ընդունել արագաչափերը անջատել և թողնել, որ փողը մարդկանց մոտ շրջանառվի։ «Ամեն մի գործիքով քաղաքացիներից փող ենք հավաքում, որը համաչափ չէ։ Մի քանի անգամ էլ եմ ասել, սա նաև քաղաքական կոմպոնենտ ունի։ Եթե վաղը ընտրություններ լինեն ու եթե մեկն ասի, որ մենք գանք այս արագաչափերը հանելու ենք, մարքսիամալ ձայն կստանա։ Քանի բանը բանից չի անցել, առաջարկում եմ, որպեսզի չգնալ մաքսիմալ ճանապարահով»,- ասաց նա:
Էդմոն Մարուքյանը ենթադրում է, որ Կառավարությունն արագաչափերը տեղադրում է ոչ թե քաղաքացու անվտանգության համար, այլ՝ գումար վերցնելու: Նա նշեց, թե Մյասնիկյան փողոցի մոտ տեղադրված արագաչափը Կառավարությունը հանել է, այն դեպքում, երբ վթարներն ադ փողոցում շատ են լինում, որովհետև տեսել է, որ վարորդները սկսել են վարել սահմանված արագությամբ:
«Ես Վանաձորից եմ, չգիտեմ այդ փողոցի անունը, գազանանոցի ճանապարհին տեսանկարահանող սարք կար ու հիմա չկա։ Տեսան՝ մարդիկ գիտեն տեղը, խախտում թույլ չեն տալիս, տարան այլ տեղ։ Այսինքն՝ դա ոչ թե ապահովության համար է, այլ փող աշխատելու։ Պետք է թույլ չտալ»,- ասաց նա և հավելեց, որ ինքը պատրաստ է աջակցել այս խնդրի լուծմանը երկու ձևաչափերով՝ թե ժամանակավոր հանձնաժողովի ստեղծման դեպքում, թե ԱԺ լսումների։
