Հավակնորդների մրցաշար. 9-րդ տուրում Արոնյանը ցավալի պարտություն կրեց

Խանտի-Մանսիյսկում ընթացող հավակնորդների մրցաշարում մարտի 23-ին կայացան 9-րդ տուրի հանդիպումները։ Այն անհաջող էր Լևոն Արոնյանի համար, ով սև խաղաքարերով պարտություն կրեց Շահրիյար Մամեդյարովից։ Հիշեցնենք, որ մրցաշարի երկրորդ տուրում Արոնյանն էր առավելության հասել ադրբեջանցի գորսմայստերի նկատմամբ:

9-րդ տուրում գրանցվեցին հետևյալ արդյունքները/ Անդրեյկին – Սվիդլեր՝ ½ – ½, Մամեդյարով – Արոնյան՝ 1 -0, Անանդ – Տոպալով՝ 1-0, Կարյակին – Կրամնիկ՝ 1:0։ Անանդը, օգտվելով Արոնյանի սայթաքումից, ստանձնեց միանձնյա առաջատարի դերը (6), Լևոնն, այժմ, արդեն մեկ միավոր է զիջում հնդիկ գրոսմայստերին և մաքուր երկրորդ տեղում է, քանի որ նրանից կես միավոր պակաս ունեցող Կրամնիկը նույնպես ձախողեց այսօրվա տուրը և պարտվեց իր հայրենակից Սերգեյ Կարյակինին։

Մրցաշարային աղյուսակը՝ 9 տուրերից հետո.

1. Անանդ 6

2.Արոնյան 5

3. Կարյակին 4,5

4. Կրամնիկ 4,5

5. Մամեդյարով 4,5

6. Սվիդլեր 4

7. Անդրեյկին 4

8. Տոպալով 3,5